32 urteko gaixoa erabat osatu dela iragarri dute

Duela bi aste pneumonia atipikoa zuela eta Kantongo erietxera eraman zuten 32 urteko kazetaria erabat osatu dela jakinarazi zuten atzo medikuek. Iturri ofizialen arabera, bihar joango da etxera gaixoa. Tang Xiaoping erietxeko zuzendariaren esanetan, senda-agiria hartzeko prest dago kazetaria. «Azken bi asteetan ez du sukarrik izan eta eztula eta gorakoak ere desagertu egin dira», esan zuen.