Bikote homosexualen arteko ezkontzak legeztatu ditu Massachusettsek

Massachusettsek (AEB) gay eta lesbianen arteko ezkontzak legeztatu ditu. Bera izan da homosexualen arteko ezkontzak legeztatu dituen AEBetako lehen estatua. Cambridge hirian, atzo gauerdian hasi ziren ezkontzeko baimenak banatzen.

Auzitegi Gorenak berretsi egin zuen erabakia. Haren arabera, bikote homosexualei ezkontzeko baimena ukatzea «bazterketaren aurkako legeen kontrakoa» da.Erabakiak, baina, eztabaida sortu du Estatu Batuetan. George Bushen esanetan, ezkontza gizon eta emakumeen artekoa da. John Kerry AEBetako presidente izateko demokraten hautagaia ere bikote homosexualen arteko ezkontzaren aurka dago. Baina bikote zibilak onartzearen aldekoa da.