Hubble espazio teleskopioa konpontzea erabaki du NASAk

NASA Ameriketako Estatu Batuetako espazio agentziak Hubble espazio teleskopioa konpontzea erabaki duela jakinarazi zuen atzo. Horretarako, Kanadan egindako robotak bidaliko ditu espaziora. Urtarrilean, eta Columbia transbordadoreak izandako istripuaren ondotik, Hubble bertan behera uzteko asmoa zutela esan zuen NASAk. Erabaki hark astronauta asko haserrarazi zituen. Era berean, Estatu Batuetako legegileek ere gaitzetsi egin zuten. Bere lana ondo egiten ari delako erabaki dute konpontzea.