Lehendik ere egindakoak nahikoa ez, eta beste pauso bat eman du Espainiako Gobernuak erkidegoena den eskuduntza batean. Aurrerantzean, hezkuntza ziklo bakoitzaren amaieran azterketa «nazionalak» egingo dituzte ikasleen ezagupenak neurtzeko. Ez dira nolanahiko azterketak izango, ordea: ikasleei nota jarri beharrean, eskolei jarriko die. Azterketa «nazionalean» oinarrituta nota onenak ateratzen dituzten eskolen zerrenda osatuko dute, gurasoek seme-alabak zein ikastetxetan matrikulatu nahi dituzten aukeratu dezaten. Beste behin, baldintza askatasunez mozorrotu dute: azterketa «nazionalak» baldintzatuta egingo baitute gurasoek aukera; baina hori ez du esan Wert ministroak.
Erreformaren oinarrian, hezkuntza zentralizatzeko saioa dago. Izan ere, azterketaren edukiaren zati bat erkidegoek erabakiko dute, baina «gutxienekoak» Madrilek ezarriko ditu, curriculumarekin egin bezala.Oinarritik harago ikastetxeen arteko lehiaketa bat bultzatuko dute, eta lasterketa horretan eliteak beti izango dira aurrean.
Hizpideak
Azterketa, eskolei
Iruzkinak
Ez dago iruzkinik
Ordenatu
