Inoiz boterearen gehiegikeriak salatu eta kontrolatzeaz arduratu behar zuena —laugarren boterea deitua— botere nagusiaren beste adar bat bihurtu zen ibiliaren ibiliaz. Eta, orduan, boterearen gehiegikeria berak egitea bihurtu zitzaion zeregin.
The News of the World-en legez kanpoko entzuketen aferak aztoratu du mundua egunotan. Erresuma Batuko lehen ministro David Cameron ere zipriztin dezake Murdochen inperioaren zikinak. Izan ere, kasu honetan agerian geratu da, berriz, nolako harreman estua duten hedabideek botere politikoarekin. Rupert Murdochek, News Corporation hedabide taldearen magnateak, Erresuma Batuko parlamentuan adierazi du ez zekiela bere hedabideetako batek, poliziak eta kontratatutako espioiak erabiliz, legez kanpoko entzuketak egin zituela. Lotsa gutxi behar da munduko bigarren komunikazio enpresa boteretsuenaren burua izateko. Baina, Irakeko inbasioa AEBen ekonomiarentzat guztiz onuragarria izango zela argudiatu zuen batengandik, zer espero zitekeen: eskrupuluak?
Hizpideak
Murdochen inperioa
Iruzkinak
Ez dago iruzkinik
Ordenatu
