TV3.cat telekatean Bartzelonako Merce jaien hasierako pregoia aurten Joan Margarit poeta-arkitekto adiskideari tokatu zitzaiola ikusi dut. Ukitua nintzen. Makusok euskaratu eta Meettok argitaletxeak plazaratu Miserikordiaren Etxea liburuko hogei olerki irakurri zituen Kataluniako udaletxe nagusian, alderdi guztietako politikariak bertan zeudela -bereziki Polonia emankizunean agertzen direnak- kultur eta kirol mundukoak barne.
Ezer galtzekorik ez duen Margarit olerkaria uneaz baliatu zen Kataluniaren independentziarako deia zabaltzeko. Ideiahedatzen ari dela ohartzen gara, BERRIAk duela gutxi eskaini zigun Adeu Espanya erreportajea aintzakotzat hartzen badugu bederen. Ekitaldia bukatzean, politikari ezberdinak Margariten mintzaldiaz hitz egiten agertu ziren: aburu berdinekoak ez izan arren, gizonak herria zeharkatzen duen sentimendua ederki argira ekarri zuela errateko bat zeuden.
Ez da horrelakorik gertatuko Baionako bestetan. Lapurdumen, Pariseko parpaila entzutetsuak jinarazten dizkigute, Yannick Noah tenislaria edo Betbeder nobelagilea bezala. Ez dute hauek nehoiz balkoitik Euskal Herriaren determinatze propio premiarik aldarrikatuko.
El meu silenci em delata.
BIRA
Margarit
Iruzkinak
Ez dago iruzkinik
Ordenatu
