Azken boladan sarri entzuten da: perimetro jakin batean (fabrikan, eskolaren batean, auzoan…), haize txar batek bezala jotako hiruzpalau gaixoketa berdintsu agertzen badira, susmoak hor jartzen ditu dantzan nik ahal dakit zenbat kausa gaizto: energia, teknologia berriak, elikadura, botika…Seguru asko, halabeharrak edo probabilitateen logikak eragingo zuen hiruzpalau kasu horiek zirkulu jakin batean gertatu izana, baina errezelo paranoiko halako batez erreakzionatzen dugu: zerbait arraroa gertatzen ari da, hau ez da normala!
Bitarteko eta trepeta berriek beti eragin izan dute izua: ez dago oso atzera jo beharrik, denok dugu gogoan lehen mikrouhinek zuten fama txarra. Gaur, etxe guztietan dago mikrouhin bat, eta jada ez gaitu kezkatzen eragin liezagukeen kalteak.
Baina, badaezpada ere, tentu: amiantoarena bezalako beste kasu askotan ere, kasualitate hutsari egozten zitzaion kasuon kointzidentzia.
Hitz beste
Haize txar bat
Iruzkinak
Ez dago iruzkinik
Ordenatu
