Iragan kanpainak famatua egin du popularren hautagaiak baliatutako depende (ikusi behar) saihets-erantzun etengabea. Señor Depende goitizenaren dominarekin saritu dute. Laster aldatu du, ordea, leloa, eta aise asko erakutsi du badakiela, ozen asko jakin ere, no esaten: ez dio Amaiurri deituko hauteskundeen ondorengo alderdien arteko errondara. Izan duen lehendabiziko egokieran, sitsak jandako lelo zaharra errepikatudu: «Beren helburuak ez du tokirik Konstituzioan»,konstituzioa baita paradisuaren hesi bat, handi, libre bakarra.
Elkarrizketari ez esan diona «herritar guztien gobernuburua da» —konstituzioak esana—, baina herritar guztien konkurrentzia demokratikoa ziurtatu behar lukeen erantzule nagusiak ekin dio, prozedura ez batere demokratikoarekin, legegintzaldi berriari.
Indarkeriarik gabeko oasian —Raxoik esana— ideia guztiak defenda omen zitezkeen. Hasteko, Moncloan ez.
Hitz beste
Ikusi behar
Iruzkinak
Ez dago iruzkinik
Ordenatu
