Ni ere sartu naiz El Huffington Post egunkari digitalaren bertsio gaztelaniazkoan, ni ere ibili naiz bertako testuetan pika hemen eta pika han, ni ere aspertu nau, eta asko, estrainaldiari eman dioten matraka instituzionalak. Pintxoak falta ziren. Eta ardotxo espainiarra. Sareak sortze beretik daukan ezintasun tamalena, nire uste apalean.
Pintxoen faltan, artikuluak pikatu behar. Deigarriena, Konfiantzaren balioa izenekoa. Artikulua hasten da esanez konfiantza falta dela ekonomiaren etsairik gaiztoena, eta idazkiaren tesi nagusiak dio Espainian guztiz galdu dela konfiantza. Zuzenago esanda: tesi nagusiak dio Raxoi dela Espainian konfiantza galdu izanaren errudun unibertsala. Segidan, artikuluak gogotik salatzen du popularrek krisiaren gestioarekin gizendutako konfiantza faltari. Kritika bakar bat ere sozialisten erantzukizunari buruz.
Idazkiak nor konbentzituko zuen konfiantzaren balioaz? Rubalcaba. Berea da artikulua.
Hitz beste
Konfiantza
Iruzkinak
Ez dago iruzkinik
Ordenatu
