Produktuek bezala, markek ere iraungipen data izaten dutela, eta jeltzaleek beren alderdiaren izen aldaketaren auzia zerabilten Forondan. Nacionalista adjektiboak oso prentsa txarra omen du mundu osoan; nazionalista eta asasinoa berdintzeko joera nagusitu omen, Europako hainbat nazionalistek egindako bidegabekerien kausaz; eta nahiago dutela nacional. Beren benetako izaera eta bokazioa markatzen omen ditu.
Gaur egun EAJ da izen elebiduna gordetzen duen alderdi bakarra. Euskarazko izenak ez diete, ordea,debaterik eragin. 1977. urtetik EAJ akonfesionala da, baina euskarazko siglaren J letrak jeltzalea esan nahi du (JEL —Jaungoikoa eta lagi-zaharra— espirituaren jarraitzailea). Nazionalista kendu nahi dute gaztelaniazko siglatik, baina Jaungoikoaren erreferentzia ez da desagertuko euskarazkotik, jeltzaleak direla esaten segitzen dute.
Marka da: gaztelaniazko adierak kezkatzen ditu Europan; euskarazkoak, ez, etxean.
Hitz beste
Markak
Iruzkinak
Ez dago iruzkinik
Ordenatu
