2. Mailakoaren hiru kanporaketa asteburuan

ESKU-HUSKA. Lehen Mailakoarekin batera, asteburuan BIgarren Mailako lau t'erdikoaren final-laurdenetako hiru partida jokatuko dira. Etzi, Iruñean, Idoatek eta Argotek neurtuko dituzte indarrak. Igandean, berriz, Eibarren, bi partida jokatuko dira: Mendizabal I.a Merinoren aurka lehenbizi, eta Apezetxea Rico IV.aren aurka gero, jaialdiko hirugarrenean. Albisuk eta Cabrerizok gaur zortzi jokatuko dute, Ataunen.