2010ko egutegiaren berri eman du FIAk

Dagoeneko datorren urterako prestaketak hasiak dira, eta FIAk egutegia aurreratu du. Oraindik dataren bat ez da erabat ziurra, baina lehen egutegi honek 19 lasterketa ditu, eta aldaketa batzuk.

Lehen lasterketa ez da Australian korrituko, azken hamahiru urteetan bezala. Ostera, Bahreinen ekingo diote eta handik Australiara egingo dute jauzi. Itzulera sonatu bat, Kanadako lasterketa. Eta Hego Koreak ere bere tokia egin du, nahiz eta zirkuitoa oraindik amaitu gabe dagoen (2010ko uztailerako amaitzea espero dute).

Denboraldia Brasilen amaituko da, azken urteetan ohitura izan den legez (aurten izan ezik, Abu Dhabin amaituko baita).

Martxoak 14: Bahrain

Martxoak 28: Australia

Apirilak 4: Malaysia

Apirilak 18: Txina

Maiatzak 9: Espainia

Maiatzak 23: Monako

Maiatzak 30: Turkia

Ekainak 13: Kanada*

Ekainak 27: Europa (Valentzia)

Uztailak 7: Britainia Handia

Uztailak 25: Alemania

abuztuak 1: Hungaria

abuztuak 29: Belgika

Irailak 12: Italia

Irailak 26: Singapur

Urriak 3: Japonia

Urriak 17: Hego Korea

Urriak 31: Abu Dhabi

Azaroak 14: Brasil

* Kanadako Sari Nagusiak oraindik Formula One Maganement-ekin akordioa itxi behar du. Hauek gauzatuko ez balira, lasterketa ez litzateke korrituko eta Turkiako Sari Nagusia ekainaren 6ra atzeratuko litzateke.

Oharra: Australia 17:00etan hasiko da (bertako ordua), Malaysia 16:00etan, Singapur 20:00etan eta Abu Dhabi 17:00etan.