24 elkarte ariko dira BERRIAren VIII. pilota txapelketan

Gaur arratsean aurkeztuko dute VIII. BERRIA Pilota Txapelketa, Andoainen, Martin Ugalde Kultur Parkean. Euskal Herriko 24 elkartek hartuko dute parte, eta urtarrilaren 8-9 aldera hasiko da txapelketa —oraindik zehazteke dago hasiera—. Azkeneko aldian Galdakaoko Adiskide izan zen txapeldun.

Txapelketan, elkarte bakoitzak kadete, gazte eta nagusi mailako bikote bana izango du, eta bi elkarteren arteko norgehiagokan partida edo tanto gehien lortzen duena sailkatuko da hurrengo kanporaketarako.

Aurten Gipuzkoako zortzi talde, Bizkaiko sei, Nafarroako zazpi, Arabako bi eta Iparraldeko bat ariko dira.