Espainiako Auzitegi Nazionaleko epaile Jose Maria Vazquez Honrubiak 7.200 euroko isuna jarri dio Catalunya Accioko presidente Santiago Espoti, 2015ean Ahtletiecek eta Bartzelonak jokatutako Espainiako Kopako Finalean, Espainiako ereserkiaren aurka izandako txistukada bultzatzea egotzita. "Espainiako errege etxeari eta ereserkiari irain egitea" egotzi diote Espoti, eta adierazpen askatasunak ez duela hark egindako babesten.
Epaiaren arabera, Espotek berak "aldez aurretik prestatu eta antolatu zuen" txistukada izateko plana, eta Espainiako errege etxea eta eresarkia "gutxiesteko eta iraintzeko helburu argiaren" jardun zuen. Fiskalak 14.400 euroko isuna eskatzen zuen Espotentzat.
Aurrez bi aldiz artxibatu eta gero, uztailean erabaki zuen Fernando Andreu epaileak berriro ere Espoten aurkako auzia berriz zabaldu, eta ahozko epaiketa egitea. Azaroaren 14ean deitu zuten Espot deklaratzera, baina ez egiteko eskubidea baliatu zuen, auzia "politizatuta" zegoela, eta bere adierazpen askatasuna urratu zutela argudiatuta.
[YouTube]https://youtu.be/iBYr0DRdiF8[/YouTube]
