ABF ligako lehen postua dago jokoan gaur Lizarran

ESKUBALOIA. Itxako ABF ligara itzuliko da gaur, Mar Sagunten kontrako partida jokatuta. Lizarran jokatuko dute, 18:00etan. Txapeldunen Ligako bigarren ligaxkarako sailkatu eta gero, ligako buru jarraitzea da orain Ambros Martinen jokalarien helburua. Nafarrekin batera, Mar Sagunt da, orain arte, partida guztiak irabazi dituen bakarra. Golei esker dago Itxako sailkapeneko buru. Lehia handiko partida izanen da, beraz, gaurkoa.