Etapa ugariko azken itzulia izan da Espainiako Vuelta Euskaltel Euskadirentzat, eta podiumera igoaz agurtu zen taldea tropeletik. Taldekako sailkapenean azkarrena izan da Euskaltel, eta sari hori jasotzera igo zen talde osoa podiumera, ikurrina eskuan zutela.
Tropelean ere omenaldia izan zuen Euskaltelek. Madrilgo kaleetan emandako lehen itzulia tropelaren buruan egin zuen talde osoak. Mikel Astarloza Euskalteleko txirrindulariak sare sozialetan idatzi duenez, garaipen handiena "20 urteetan Euskal Herriaren izenean lehiatzea" izan da.
Gure garaipenik handiena 20urteetan Euskal Herriaren izenean leihatzea izan da! ¡Una imagen vale mas q mil palabras! pic.twitter.com/HM7AbTiloi
— Mikel Astarloza (@mikelastarloza) September 15, 2013
Chris Hornerrek (Radioshack) eskuratu du Espainiako Vuelta, eta podiumean ondoan izan ditu Vincenzo Nibali (Astana) eta Alejandro Valverde (Movistar). Itzuli handietako bat irabazi duen txirrindulari zaharrena da Horner, 41 urte dituela gailendu baita Horner. Azken etapa, berriz, Oricako Michael Matthewsek irabazi zuen, esprintean.
