Aierbe Zulaikaren aurka buruz burukoaren hasieran

PALA. Buruz buruko txapelketa gaur hasiko da, Bilboko Deportivon (17:00). Jaialdiko aurreneko partidan Mikel Aierbek Erlantz Zulaikaren aurka jokatuko du. Aierbe da faborito. Iaz, min hartuta, jokatu gabe gelditu zen, baina itzuli da txapelketara. Zulaika, berriz, 2. Mailako txapeldun izan zen iaz, eta gaurkoa du lehen partida txapelketa nagusian. Irabazleak Imanol izango du aurkari.