Albisuk ordezkatuko du Ruiz igandean Eibarren

PILOTA. Jon Ander Albisuk Patxi Ruiz ordezkatuko du igandeko binakako txapelketako partidan. Lizarrako atzelariak zuntz-haustura du ezker hankako soleo giharrean, eta ondorioz 20 urteko ataundarra ariko da Bengoetxea VI.arekin, Xala eta Barriolaren aurka. Albisu kolpe bizikoa da, eta maila oso ona eman du azken partidetan.