Hautsi egin da Euskaltelek eta Fernando Alonso 1 Formulako pilotu espainiarrak zeukaten akordiorako oinarria, eta operazioa burutzeko zailtasunak jarri izana gezurtatu du gaur ohar batean txirrindularitza taldeak. Akordiorako oinarria apurtzea "justifikatu edo aitzakiatzat har daitekeen baldintza bat ere" ez duela jarri azaldu du. Areago, taldea Alonsoren esku uzteko dirua ordaintzeko prest egon dela gaineratu du.
Mozkinak eskuratzeko negoziazioen soka "tenkatu" izana ukatu du Euskaltelek; horrela, akordioa hausteko arrazoiak ez dira izan egoitzaren kokapena, kontratuen ondorio fiskalak edo "pertsonen kontratazioen inposizioa", taldearen arabera.
