Amaiur A eta Ibarra A Euskadiko txapeldun

SOKATIRA. Larunbatean amaitu zen, Arrankudiagan (Bizkaia), Lauko Euskadiko Txapelketa. Azkeneko bi finalak jokatu ziren: gizonezkoen 300 kilokoa eta emakumezkoen 260 kilokoa. Aurrenekoan Amaiur A-rentzat izan zen txapela (hamahiru tanto), Amaiur B (hamar) eta Abadiño B-ren aurretik (zazpi). Bigarrengoan, berriz, Ibarra A nagusitu zen (hamahiru tanto), Badaiotz B (hamahiru) eta Sakanaren aurretik (bederatzi).