Josu Urrutia Athleticeko presidenteak jakinarazi du klubak duela aste batzuk kontratua berritzeko eskaintza egin ziola Fernando Amorebieta zentralari, hark hiru asteko epea zuela erantzuteko baina ez duela halakorik egin, eta, ondorioz, futbolariak dagoeneko ez daukala Athleticen eskaintzarik.
Amorebietak (Venezuela, 27 urte) 2005-2006ko denboraldian egin zuen debuta Bilboko lehen taldearekin. Ekainean bukatuko zaio kontratua.
Bihar itxiko da jokalariak fitxatzeko edo traspasatzeko epea Espainiako Ligan, eta Urrutiak berretsi du ez dela mugimendurik izango Athleticen. Beraz, Fernando Llorentek taldean segituko du, jakina den arren uztailetik Juventus Italiako taldean jokatuko duela.
Amorebietak ez du deus jakinarazi oraindik.
