Grand Slameko maisuen IV. finala urriaren 7tik 12ra jokatuko da, ohiko denez, Bilbon. Aurtengo aldian, baina, bi hutsune oso handi izango ditu: Viswanathan Anand, munduko sailkapeneko lehen zerrendaburua, eta Magnus Carlsen, azken bi aldietako txapeldunek ez baitute parte hartuko. Biek elkarren aurka jokatuko dute munduko titulua lortzeko lehian azaroaren 7tik aurrera, eta, buru-belarri prestatzen ari direnez, ezin izan dira Bilbora joan.
Gauzak hala, lau xakelarik bakarrik jokatuko dute torneoa: Levon Aronian munduko bigarren sailkatuak, Maxime Vachier-Lagravek, Xakhriar Mamediarovek eta Michael Adamsek. Torneoa ligaxka bidez jokatuko da, joan eta itzuliko partidekin.
Torneoak beste berritasun bat izango du, aurten ez baita Alondegian jokatuko, Zabalguneko merkatuan baizik.
