Ander Herreraren kalitatea goraipatu dute jokalariek

ATHLETIC. Mikel San Josek eta Carlos Gurpegik nabarmendu egin zuten atzo Ander Herrera Athleticek datorren denboraldirako fitxatu duen jokalariaren kalitatea. «Teknika bikaina du, eta iaioa da azken pasea ematen», esan zuen atzelariak. Erdilariak, berriz, «jokalari ona» dela «baina egokitu behar» izango duela esan zuen. «Jokalari on guztiek dute tokia Athleticen», azaldu zuen Gurpegik.