Andy Pankori eman diote MVP saria, jokalaririk onenarena

Bili-bolo zebilen zurrumurruak Andy Panko bera bakarrik hartu du ezustean. Joan den astean, zioen beretzat ez zela garrantzitsua ligako MVP —jokalaririk onena— izendatua izatea: «Mesedez. 34 urte ditut; beste gauza batzuk garrantzitsuagoak dira». Ligak, ordea, estatubatuarra saritu zuen atzo, eta oholtzara urduri samar igo zen hegalekoa, zer esan ez zekiela. Gaztelaniaz hasi zen, baina ingelesez hasi segituan, emaztea eta bi seme-alabekin —AEBetan daude— gogoratzeko [final-laurdenak ikustera etorriko dira Donostiara]. 34 urterekin lortu du Pankok saria, jokalari asko maldan behera hasiak direla. Haren kotizazioa ikaragarri haziko da orain. Talde batek baino gehiagok izango du begiz jota.