Gaurkoa ikusi ondotik, aurtengo Frantziako Tourreko garaipena Alberto Contadorren eta Andy Schleck-en artean jokatuko dutela esan (berretsi) daiteke, biak baitira tropeleko ziklistarik indartsuenak. Madeleine maila bereziko mendatean ongi erakutsi dute -helmugatik 32 kilometrora zeukaten gaina-: nahi dutenean aldegin dute eta helmugan alde garrantzitsuak lortu dituzte beste txirrindulari esanguratsu batzuekiko: Samuel Sanchez 50 segundora sartu da, Robert Gesink, Denis Mentxov eta Levi Leipheimer 2.06ra, Ivan Basso, Jurgen Van der Broeck eta Lance Armstrong 2.50era, Cadel Evans gaur arteko liderra 8.08ra.
Schleck bera jarri da Tourreko lider, eta Contador dago orain bigarren, 41era. Hirugarren Samuel Sanchez, 2.45era. Laugarren Mentxov, 2.58ra. Bosgarren Van der Broeck, 3.31ra. Seigarren Leipheimer, 3.59ra. Zazpigarren Gesink, 4.22ra. Basso hamargarren dago, 5.09ra.
Sandy Casarrek irabazi du etapa, itzuliko bederatzigarrena: Morzine Avoriaz-Saint Jean de Maurienne, 204,5 kilometro. Beste kide batzuekin kilometro askoan egon da ihes eginda. Azkenekoan Contadorrek eta Schleckek harrapatu egin dituzte haiek -lau lagun ziren orduan-, eta esprinta jokatu dute. Luis Leon Sanchez geratu da bigarren, Damiano Cunego hirugarren.
Bihar, hamargarren etapa: Chambery-Gap, 179 kilometro. Lehen mailako mendate bat izango dute -Laffrey, 77.ean-, bigarren mailako bat eta hirugarrengo beste bat.
Orain arteko etapak
- Aitzin-etapa: Rotterdam-Rotterdam. Irabazlea: Fabian Cancellara. Liderra: Fabian Cancellara.
- 1. etapa: Rotterdam-Brusela. Irabazlea: Alessandro Petacchi. Liderra: Fabian Cancellara.
- 2. etapa: Brusela-Spa. Irabazlea: Sylvain Chavanel. Liderra: Sylvain Chavanel.
- 3. etapa: Wanze-Porte du Hainaut. Irabazlea: Thor Hushovd. Liderra: Fabian Cancellara.
- 4. etapa: Cambrai-Reims. Irabazlea: Alessandro Petacchi. Liderra: Fabian Cancellara.
- 5. etapa: Epernay-Montargis. Irabazlea: Mark Cavendish. Liderra: Fabian Cancellara.
- 6. etapa: Montargis-Gueugnon. Irabazlea: Mark Cavendish. Liderra: Fabian Cancellara.
- 7. etapa:Tournus-Rousses. Irabazlea: Sylvaine Chavanel. Liderra: Sylvaine Chavanel.
- 8. etapa:Rousses-Morzine Avoriaz. Irabazlea: Andy Schleck. Liderra: Cadel Evans.
- 9. etapa:Morzine Avoriaz-S. Jean de Maurienne. Irabazlea: Sandy Casar. Liderra: Andy Schleck.
frantziako Tourra
Andy Schlecken eta Contadorren arteko itzulia
Biek nagusitasun handia erakutsi dute Madeleine maila bereziko mendatean, eta alde garrantzitsuak lortu dituzte beste ziklista batzuekiko. Casarrek irabazi du etapa. Andy Schleck jarri da lider, eta Contador bigarren, 41era.
Iruzkinak
Ez dago iruzkinik
Ordenatu
