Arkaitz Estiballes, Uxue Alberdi, Aitor Sarriegi, Xabier Paya, Iñaki Gurrutxaga eta Julio Sotok ere ziurtatua dute txartela

Txapelketa Nagusian final-laurden bakarra falta da jokatzeko -Laudio, larunbata-, eta orain arteko bost saioetako irabazleek ez ezik, Arkaitz Estiballes, Uxue Alberdi, Aitor Sarriegi, Xabier Paya, Iñaki Gurrutxaga eta Julio Sotok ere ziurtatua dute finalaurrekoetarako txartela. Izan ere, aurreko probetako garaileez gain, puntu gehien lortuko dituzten 11 bertsolari ere sartuko dira hurrengo fasean eta, Laudion ere sei lagun ariko direnez, aipatutako bertsolariek eskuratua dute sailkapena, puntutako sailkapenean eurak doazelako lehen sei postuetan.

Laudion Fredi Paia, Iñigo Izagirre, Jon Martin, Arkaitz Oiartzabal, Onintza Enbeita eta Miren Amuriza ariko dira, 17:30etik aurrera, Lamuza Granja pabilioian.

Atzo Zarautzen Iker Zubeldia izan zen irabazlea, eta finalaurrekoetarako txartela lortu du, beraz. Xabier Silveira Nafarroako txapelduna bosgarren geratu zen, eta txapelketatik kanpo gelditu da; hiru poto egin zituen kartzelako saioan. 1.300 lagun izan ziren Aritzbatalde kiroldegian.

2005eko finalistak ere finalaurrekoetara sailkatuta daude: Unai Iturriaga, Amets Arzallus, Maialen Lujanbio, Igor Elortza, Sustrai Colina, Aitor Mendiluze eta Jon Maia.

Zarauzko final-laurdena

1. Iker Zubeldia. 643 puntu.

2. Iratxe Ibarra. 627,5.

3. Unai Agirre. 622.

4. Joxe Munduate. 608,5.

5. Xabier Silveria. 595,5.

6. Oihane Perea. 558,5.

Orain arteko sailkatuak

Bost final-laurdenetako irabazleak. Jone Uria, Etxahun Lekue, Iñaki Zelaia, Beñat Gaztelumendi eta Iker Zubeldia.

Puntuen arabera.

- 1. Arkaitz Estiballes. 661 puntu.

- 2. Uxue Alberdi. 660.

- 3. Aitor Sarriegi. 657.

- 4. Xabier Paya. 644,5.

- 5. Iñaki Gurrutxaga. 642,5.

- 6. Julio Soto. 639,5.

Puntukako sailkapenean hurrengo bostak

- 7. Maddalen Arzallus. 636,5 puntu.

- 8. Ainhoa Agirreazaldegi. 634.

- 9. Amaia Agirre. 631,5.

- 10. Iratxe Ibarra. 627,5.

- 11. Unai Agirre. 622.