Arrate desegitea onartu dute bazkideek batzarrean

ESKUBALOIA. Arrate Kirol Elkartea historia da jada. Bazkideek atzo onartu zuten elkartea desegitea. Eibarko Elkartearen desagerpena albiste oso txarra da euskal kirolarentzat, batez ere euskal eskubaloiarentzat, harrobia ondoen zaindu duen taldea izan baita urte askoan. Orain, ikusteko dago harrobi horri eusteko ekimenen bat jartzen den abian. Asmoa badago, behintzat.