Asier Illarramendi: «Pasatutakoa pasatuta dago; ez dut gehiago hitz egin nahi gaiaz»

Asier Illarramendi eta Gorka Elustondo prest daude etzi Anoetan Zaragozaren aurka jokatzeko. Illarramendi bi partidako zigorra bete ostean itzuliko da lehiara. «Pasatutakoa pasatuta dago, eta ez dut gehiago hitz egin nahi gaiaz», esan zuen atzo.

Elustondo ere jokatzeko moduan dago, giharretako arazoengatik hiru astez jokatu gabe egon ondoren. Hark Zaragoza izan zuen hizpide. «Azken partida irabazi egin zuen, eta konfiantzaz egongo da. Azken postuan egon arren, bizirik jarraitzen du, eta ongi prestatu beharko dugu, partida irabazi nahi badugu».