Athletic-Bartzelona Espainiako Kopako finala 22:00etan hasiko da, Espainiako Futbol Federazioak gaur zehaztu duenez. Jakin zenez, maiatzaren 25ean izango da partida (ostirala), Madrilen, Vicente Calderonen.
50.000 ikusle sartzen dira estadio hartan, eta Athleticek eta Bartzelonak hogeina mila sarrera edukiko dituzte. Sarreren prezioa, 60 eta 250 euro artekoa izango da. Beste hamar mila sarrerak federazioaren esku geratuko dira.
Gaur Madrilen izandako bileran Athleticetik Jon Berasategi zuzendari nagusia, Amaia Iturbe harremanetarako arduraduna eta Iosune Vegas komunikazioburua izan dira.
