Oporrak amaituta, gaur hasi dira entrenatzen Athleticeko jokalariak, eta Realekoek arratsaldean ekin diote.
Athletic 10:00etan hasi da, Lezaman, Marcelo Bielsaren aginduetara. Berrikuntzak bi izan dira: Aritz Aduriz eta Ismael Lopez.
Denboraldi-aurreko lehen partida hilaren 17an jokatuko du, Casablancan (Maroko), Raja Casablancaren aurka, 21:30ean. Eta aurreneko partida ofiziala ez da urruti, abuztuaren 2an izango da, Europako Ligara sailkatzeko kanporaketako joanekoa; itzulikoa, 9an izango da.
Athleticek jakinarazi du Iñigo Diaz de Cerio jokalariak eta biek kontratua etetea erabaki dutela. Jokalariak Bigarren A Mailako Mirandes taldean jokatuko du eta Athleticek berreskuratzeko aukera izango du 2013ko ekainaren 30ean.
Reala arratsaldean hasi da entrenatzen, lauretan. Fitxaketa bakarra Gonzalo Castro izango da, oraingoz.
Denboraldi-aurreko aurreneko partida Hendaian (Lapurdi) jokatuko du, Englatins bertako taldearen aurka. Uztailaren 13an izango da, 19:00etan.
Osasuna datorren astean hasiko da lanean, uztailaren 10ean, asteartean. Hiru jokalaria fitxatu ditu taldeak: Alejandro Arribas, Sisinio Gonzalez eta Fernando Macedo Da Silva, Nano.
Espainiako Liga, abuztuko hirugarren asteburuan abiatuko da.
