Bazkide konpromisarioen ezohiko batzarra egingo du gaur Athleticek, Bilbon, Euskalduna jauregian (19:15). 2008-2009ko denboraldiko aurrekontua aurkeztuko du, besteak beste, Fernando Garcia Makuaren zuzendaritzak.
Aurreko batzarra urriaren 8an egin zuten, eta konpromisarioek ez zuten denboraldi honetako aurrekontua onartu, ezta klubeko estatutuen erreforma ere. Onartu zuten bakarra iazko denboraldiko kontuak izan ziren.
"Oposizioa gero eta antolatuago dago", esan du Makua presidenteak. "Baina gaindituko dugu egoera, iaz bezala".
Urriko batzarreko bozketak
Estatutuak. Bazkide konpromisarioen %57,6k ez zuten onartu estatutuak aldatzea.
2008-2009 aurrekontuak. Ez zituzten onartu, % 56,9k aurka bozkatu baitzuten.
2007-2008 aurrekontuak. Onartu egin zituzten bazkide konpromisarioek, % 54,4k bozkatu zutelako alde.
Futbola
Athleticeko bazkideen ezohiko batzarra gaur
Urrian atzera bota zituzten aurrekontuak eta estatutu erreforma.
Iruzkinak
Ez dago iruzkinik
Ordenatu
