Lisboako kaleak zuri-gorriz jantzi dituzte gaur ere Athleticeko jarraitzaileek. Atzo heldu ziren horietako batzuk, baina gehienak gaur iritsi dira, Athleticen eta Sporting Lisboaren arteko Europako Ligako finalerdietako joaneko partida ikustera. Hegaldietan atzerapenak izan dituzte askok.
Giro paregabea dago Lisboako kale eta plazetan, Jon Eskudero BERRIAko kazetariak Lisboatik azaldu duenez. Athleticeko 4.000 jarraitzaile inguru taldeari babesa ematera heldu dira, eta musika eta jan-edanak ez dira falta izan egun osoan. Bi taldeetako jarratzaileen artean ere ona da giroa, ez baita bien artean liskarrik sortu.
Lisboa erdialdean ez ezik, Jose Alvalade futbol zelai inguruan ere bildu da jendea, partida aurreko giroa berotzen hasteko.
