ATLETISMOA. Munduko marka hobetu nahi du Gebresselasiek Londresko maratoian

Haile Gebreselassie etiopiarra munduko marka hobetzen saiatuko da gaur, Londresko maratoian. Etiopiarra bakarka ariko da errekorraren bila, Paul Tergat egungo marka onenaren jabeak (2 ordu, 2 minutu eta 55 segundo) ez duela parte hartuko esan baitu azken unean. Kamel Ziani oriotarra, berriz, bere marka hobetzen saiatuko da, eta Europako Txapelketarako sailkatzeko beharrezkoa den gutxieneko marka lortzen (2 ordu eta 13 minutu).