Aurrera Saiaz erraz igaro da finalerdietara

BERRIA TXAPELKETA. Aurrera Saiaz erraz sailkatu zen atzo BERRIA Txapelketako finalerdietara, Uharteri 2-1 irabazita Tolosako Beotibar frontoian. Kadeteena izan zen jaialdiko norgehiagokarik onena. Chiapuso eta Aburuza gipuzkoarrek 20-22 galdu zuten Larunbe eta Sarasaren aurka. Gazteen mailan, aise nagusitu ziren Labaka eta Elustondo Zamora eta Anduezaren kontra (22-5). Eta nagusien partidan, azkenik, Urbieta II.ak eta Telletxeak 22-9 irabazi zieten Loban eta Tabarri. Aurrera Saiazek gaur jakingo du du finalerdietako aurkaria zein izango duen. Izan ere, Adiskide eta Erreka nor baino nor gehiago arituko dira, Galdakaon. Bizkaitarrak dira faborito, baina erne nafarrekin.