AUTOMOBILISMOA. Hiru urteko etenaren ondoren, Arrateko Igoera jokatuko da gaur

Andres Vilariño eta Aitor Zabaleta gidariak faborito dira gaur Eibarren Arrateko Igoera irabazteko. Lasterketa hori ez da jokatu azken hiru urteetan, antolakuntza arazoak zirela-eta, baina gaur berreskuratu egingo da. XXXIII. aldia izango da. 4.700 metroko igoera izango da, eta 57 gidarik hartuko dute parte. Emakume bakarra Angela Vilariño izango da.