Espainiako LIgako azken jardunaldira bizirik helduko da Eibar, baina ez dago soilik haren esku mailari eustea. Eibarrek puntu bat urratu du Getafen, etxekoak aurretik jarri eta hiru minutura Borja Fernandezek buruz eginiko gol batekin berdinduta.
Arerioen emaitzek, ordea, kalte egin diote Eibarri, oro har. Granadak eta Deportivok irabazi egin dute, eta Eibarrek jaitsiera postuetan jarraitzen du, 32 punturekin. Almeriak galdu egin du Sevillarekin.
Hori horrela, azken jardunaldian Eibarrek Kordobari irabazi behar dio ezinbestean, mailari eusteko. Deportivok Bartzonarekin jokatuko du azken jardunaldia Camp Noun, eta Atletico Madrilen bisita izango du Granadak. Horietako batek galtzea nahikoa luke Eibarrek mailari eusteko, beti ere Kordobari irabaziz gero.
