Badiola III.a eta Errandonea nagusi Tuterako Torneoan

Tuteran (Nafarroa) jokatu zen herenegun Frontis enpresa berriak antolatutako lehen torneoaren finala. Badiola III.a-Errandonea bikotea nagusitu zen Barberito VI.a.-Mendiak osatutakoaren kontra (22-15). Bezperan ez bezala, sarrera ona izan zuten Elola frontoian, eta Badiola III.aren jokoarekin gozatu zuten gehien bertara joandakoek. Barberito VI.a aise hartu zuen mendean Lekeitiokoak, Errandoneak atzean egindako lan txukunari esker. Bi aste barru antolatuko du hurrengo jaialdia Frontisek.