Badiolak dio Realak Aldundiari 20 milioi euroko iruzurra egina diola, eta administratzaile bat kentzeko eskatu du

Iñaki Badiola Realeko presidenteak gaur baieztatu duenez, futbol klubak Gipuzkoako Foru Aldundiari 20 milioi euroko "iruzurra" egina dio BEZ dela-eta, eta Aldundiak klubean jarri zuen administratzailea kentzeko eskatu du.

Antxon Ibargutxi da administratzaile hori -beste bi ere badaude-, eta Badiolak adierazi du hura iruzur hori ezkutatzen aritu dela.

Abenduaren 20an egingo dute Realeko batzarra eta Badiolak esan du ez duela uste presidente kargurako hautagairik aurkeztuko denik, "oraindik ez dagoelako beste egitasmorik, ez pertsonarik".