Batera ez, baina bai elkarrekin. Hala ariko dira Baiona eta Miarritze datorren denboraldian, bi euskal taldeek Bigarren Mailan jokatuko baitute. Xuri-urdinek gaur galdu dute maila, aurkarien emaitzen erruz. Baionarrek erasoko puntuarekin irabazi diote Arroxelari, baina bai Brivek bai Grenoblek mailari eusteko behar zutena egin dute: aurrenekoek, erasoko puntuarekin irabaztea Staderi (27-0), eta bigarrenek, defentsako puntua lortzea Lyonen (29-24). Beraz, Baionak maila galdu du bost urte igaro eta gero. 2010ean, hala ere, zelaian galdutako maila bulegoetan berreskuratu zuen. Ez dirudi aurten halakorik gertatuko denik.
ERRUGBIA
Baionak maila galdu du
Lapurdiko taldeak 45-12 irabazi dio Arroxelari, baina Brive erasoko puntuarekin nagusitu da, eta Grenoblek defentsako puntua lortu du.
Iruzkinak
Ez dago iruzkinik
Ordenatu
