BALOI JAURTIKETAREKIN NAZKATUTA

Azkenaldian ohikoa bilakatu da Lehen Mailako partidetan etxean jokatzen duen taldea markagailuan aurretik doanean etxeko zaleek harmailetatik baloiren bat botatzea —etxeko taldearen aulkitik ere bota izan da baloia—, epaileak jokoa eten dezan. Hori eginez, denbora galtzen da, eta partidaren erritmoa mantsotu. Herenegun Sevillan gertatu zen hori, Vila-realeko kideen etsipenerako. Argazkian, Juan Carlos Garrido Vila-realeko entrenatzailea, protesta egiten.