Baracek min hartu eta agur esan dio denboraldiari

SASKIBALOIA. Stanko Barac Tau Baskoniako jokalariak ezker eskuko bigarren metakarpianoa hautsi zuen atzo, eta, ondorioz, ez du ACB Ligako titulurako kanporaketetan parte hartuko. Pibot kroaziarrari ebakuntza egingo diote lesioa behar bezala sendatzeko. Tauk, baina, Victor Baldo argentinarra fitxatu du kanporaketetarako. Valladolidetik dator.