Partida zaila du gaur Realak, Bartzelonaren aurka ariko baita 12:00etan, Zubietan. Denboraldi ederra darama Kataluniako taldeak, jokatu diren hamabi partidetatik ez baitu bakar bat bera ere galdu. Sailkapeneko lehen postuan dago Bartzelona. Donostiarrak, berriz, ez daude unerik onenean. Azken jardunaldian berdindu egin zuten El Olivo azken sailkatuaren aurka. Orain sailkapeneko zazpigarren postuan daude txuri-urdinak.
Lagunak-ek ere ez du partida erraza izango gaurkoa. Espanyolen zelaian ariko da arratsaldeko bostetatik aurrera. Bederatzi partida irabazita, sailkapeneko hirugarren postuan dago Bartzelonako taldea. Barañaindarrak, berriz, hamahirugarren postuan daude, jaisteko postuak saihesteko borrokan murgilduta.
Athleticek, bestalde, sailkapeneko azken sailkatuaren aurka jokatuko du Lezaman, 11:00etan. El Olivo Vigoko taldeak ez du partida bat bera ere irabazi oraindik sasoi honetan, eta, horregatik, ezinbestean irabazi beharreko partida da bizkaitarrentzat. Zuri-gorriak sailkapeneko bigarren postuan daude, liderrarengandik bi puntura. Galiziarrek, berriz, hiru puntu baino ez dituzte lortu orain arteko partidatan; hirurak berdinketei esker lortu dituzte.
Bartzelona Superligako liderraren aurka jokatuko du gaur Realak etxean
Athleticek El Olivo hartuko du Lezaman, eta Lagunak-ek Espanyol ahaltsuari egingo dio bisita
Iruzkinak
Ez dago iruzkinik
Ordenatu
