BATZUEN POZA, BESTEEN ATSEKABEA

Argazkiak ezin hobeto islatzen du herenegun Santiago Bernabeu estadioan gertatutakoa. Batetik, Real Madrileko jokalariak ageri dira, pozik, partidako hirugarren gola elkarrekin ospatzen. Antzik ez Claudio Bravorekin. Realeko atezaina burumakur, etsita ageri da, Cristiano Ronaldoren bigarren gola jaso berritan. Txuri-urdinak ezinean aritu ziren partida hasi eta buka.