Belen Azpeitia atleta donostiarra zendu da, 53 urte zituela

Belen Azpeitia atleta gipuzkoarra hil egin zen atzo 53 urterekin. Donostiarra euskal atletarik garrantzitsuenetakoa izan zen 70eko hamarkadan. Krosean, 800 metrokoan eta 1.500ekoan aritu zen nagusiki. Espainiako txapelketa lau aldiz jarraian irabazi zuen, 1969 eta 1972 urteen artean. Elgoibarko krosean bost aldiz gailendu zen eta behin izan zen garaile Lasartekoan.