Aimar Olaizolak eta Oinatz Bengoetxeak gaur aukeratu dituzte Ogetan igandeko lau t'erdiko txapelketako finalerako pilotak. Oso pilota ezberdinak aukeratu dituzte: Olaizola II.ak 106,1 eta 105,7 gramokoak eta Bengoetxea VI.ak 106,6 eta 105,4 gramokoak.
Leitzakoak azpimarratu du berak lau t'erdikorako pilota "aproposagoak" hartu dituela, bote gutxikoak. Horren harira, Olaizola II.ak aukeratutako pilotak "gehiegizkoak" direla esan du.
Goizuetakoa, berriz, "gustura" azaldu da saskian aurkitu dituen pilotekin. "Eskuan hobeto sartzen ziren piloten" alde egin du, eta nabarmendu du "aldea" dagoela Bengoetxea VI.ak eta berak aukeratutako materialean.
