Bera Bera-Kukullaga derbia gaur, 19:30ean

ESKUBALOIA. Bera Berak eta Kukullagak ABF ligako hirugarren jardunaldiko partida jokatuko dute gaur, Bidebietan, 19:30ean. Donostiarrek Txapeldunen Ligako atarikoa daukate larunbatean, eta horregatik aurreratu dute ligako partida. Bera Bera hirugarren postuan dago, eta Kukullaga, zortzigarren. Asobal ligan, berriz, Anaitasunak 30-34 galdu zuen herenegun Ademar Leonen aurka, bigarren jardunaldian.