Bera Bera eta Kukullaga etxetik kanpo ariko dira gaur. Donostiarrek Leon izanen dute aurkari; bizkaitarrek, berriz, Elx. Ezberdina da talde baten eta bertzearen egoera, erabat. Bera Bera hirugarren da sailkapenean, eta gora begira jarraitzeko nahi ditu puntuak. Kukullagak, berriz, zulotik ateratzeko. Azken aurrekoak dira Etxebarrikoak sailkapenean, punturik gabe.
Bera Berak bi huts nabarmen izanen ditu gaurko partidarako, Carvalho eta Mena haien selekzioekin baitira. Hutsak betetzeko, Olatz Ramon gaztea lehen taldearekin entrenatu da asteon, eta deialdian sartuko du Bera Berako entrenatzaile Reyes Karrerek.
Kukullagak, bertzalde, ez du lan erraza izanen gaurkoan, aurkari arriskutsua baita Elx, are gehiago haren pistan. Bizkaitarrek, hala ere, irabazteko beharra dute. Garaipen batek konfiantza emanen lioke taldeari, eta indarra hurrengo erronkei aurre egiteko.
Bera Bera Leonen pistan ariko da gaur, eta Kukullagak Elx izanen du aurkari
Donostiarrek Carvalho eta Mena gabe jokatuko dute, eta bizkaitarrek puntuak irabazteko premia dute
Iruzkinak
Ez dago iruzkinik
Ordenatu
