Bera Berak oso erraz irabazi dio Zuazori, 34-21

ESKUBALOIA. Denboraldi-aurreko lanean murgilduta daude ABF ligako talde guztiak, eta, horietako bi, Bera Bera eta Zuazo, elkarren aurka aritu ziren atzo, Donostian. Defentsako lan onari esker, Bera Berak aise menderatu zuen Zuazo Barakaldo, 34-21. Kontraerasoan min handia egin zuten donostiarrek. Ziarsolo izan zen golegile nagusia, zazpi golekin.