Berasaluze VIII.a, beste bi urterako Asegarcen

ESKU-HUSKA. Asegarcek atzo aditzera eman zuenez, Pablo Berasaluzek beste bi urtez jarraituko du gutxienez Bilboko enpresarekin. Hilaren 30ean amaitu behar zitzaion kontratua berriztarrari, eta 2013. urtera arte luzatu du. Kontratua bukatzen denean 35 urte izango ditu, eta egun enpresako pilotari zaharrenen artean bosgarrena da. Orain min hartuta dago, eta beste astebete eman beharko du jokatu gabe.