Berdinketa, eta eskerrak

Valladolidek eta Realak bina berdindu dute partida ikusgarrian. Partida hasi eta ordu laurdenera gola sartu du Antoine Griezmannek, jokaldi ona egin eta area txikitik jaurtiketa eginda. Bigarren zatia hasi eta berehala berriro Realeko jokalari frantziarrak sartu du gola, Valladoliden atzealdeak egindako huts larria baliatuta. Partida erabakita zirudien, baina hiru minutuan bi gol sartu ditu etxeko taldeak: Larssonek lehena eta Javi Guerrak bigarrena. Handia egitekotan izan da Valladolid, epaileak penaltia adierazi baitu Realaren aurka partida amaitzear zela, Mikel Gonzalezek baloia eskuarekin jo eta gero. Zorionez, Bravok penaltia gelditu dio Eberti, eta binakoarekin amaitu da partida.